பறவைகளுக்கு ஆபத்தாக மாறும் மன்னாரில் அமைக்கப்படும் காற்றாலை மின் திட்டம்!!

இந்தியாவின் அதானி குழுமத்தினால் மன்னாரில் ஆரம்பிக்கப்படவுள்ள காற்றாலை மின் திட்டம் பறவைகளுக்கு பாரிய உயிர் அச்சுறுத்தலை ஏற்படுத்தும் என தகவல் வெளியாகியுள்ளது.

250 மெகாவோட் மன்னார் காற்றாலை மின் திட்டத்திற்காக பெரும்பாலான நிலங்களை குறிப்பாக தனியாருக்குச் சொந்தமான நிலங்களைக் கையகப்படுத்தும் பணியை அரசாங்கம் ஆரம்பித்துள்ளதாக சுற்றுச்சூழல் மதிப்பீட்டு அறிக்கையில் தெரிவிக்கப்பட்டுள்ளது.

மன்னாரின் வளமான மற்றும் பன்முகத்தன்மை கொண்ட பறவையினங்களுக்கு இந்த திட்டத்தினால் பாதிப்பு ஏற்படுவதை தடுக்க, வலுவான நடவடிக்கைகளின் அவசியத்தை இந்த அறிக்கை வலியுறுத்தியுள்ளது.

ஏற்கனவே இலங்கை மின்சார சபையினால் நிர்வகிக்கப்படும் தமபாபவனி காற்றாலை மின் திட்டத்தினால், கணிக்கப்பட்டதை விட அதிக பறவை ஆபத்து மோதல்கள் ஏற்பட்டுள்ளதை கருத்திற்கொண்டே இந்த வலியுறுத்தல் விடுக்கப்பட்டுள்ளது.

அதானி கிரீன் எனர்ஜி ஸ்ரீலங்கா லிமிடெட் இந்த திட்டத்துக்கான முதலீடாக 420 மில்லியன் அமெரிக்க டொலர்களை செலவிடுகிறது.

மொத்தமாக அமைக்கப்படவுள்ள 52 காற்றாலைகள் ஒவ்வொன்றும் 5.2 மெகாவாட் திறன் கொண்டதாக இருக்கும். இந்த திட்டத்துக்காக வீதிகள் உட்பட தேவையான 201.98 ஹெக்டேர் நிலப்பரப்பு, அரசாங்கத்தினால் கையகப்படுத்தப்பட்டு அதானி திட்டத்துக்கு நீண்டகாலமாக குத்தகைக்கு விடப்படும்.

மன்னார் பறவைகள் அதிகம் வசிக்கும் இடமாக உள்ளது மேலும் அவற்றில் அதிக எண்ணிக்கையிலான பறவைகள் நிலப்பரப்பை ஒரு தனித்துவமான வாழ்விடமாக மாற்றுகின்றன.

இது பூர்வீக நீர்வாழ் மற்றும் அரை நீர்வாழ் பறவைகளின் தாயகமாகவும் உள்ளது, சில இனங்கள் இந்த பகுதிகளை இனப்பெருக்கம் செய்யும் இடங்களாக பயன்படுத்துகின்றன.

மன்னார், புலம்பெயரும் பறவைகளுக்கான ஒரு முக்கிய நுழைவு மற்றும் வெளியேறும் இடமாகும், ஆயிரக்கணக்கான பறறைகள் இந்த பாதை வழியாக மன்னார் தீவை அடைகின்றன அதன் பின்னரே அவர்கள் நாட்டின் உட்பகுதிகளுக்கு கலைந்து செல்கின்றன.

குறிப்பாக இடம்பெயர்ந்த காலத்தில் 200,000 க்கும் மேற்பட்ட நீர் பறவைகளை அங்கு காணமுடியும். கடந்த சில ஆண்டுகளில் திட்டத் தளம் மற்றும் அதன் சுற்றுப்புறங்களில் மேற்கொள்ளப்பட்ட ஆய்வுகளின்படி, மொத்தம் 283 உயிரினங்கள் பதிவு செய்யப்பட்டுள்ளன.

இதில் நான்கு உள்ளூர் இனங்கள் மற்றும் 81 உறுதிப்படுத்தப்பட்ட புலம்பெயர்ந்த இனங்கள் உள்ளன அவற்றுள் இருபத்தேழு இனங்கள் தேசிய அளவில் அச்சுறுத்தலுக்கு உள்ளாகியுள்ளன மேலும் 13 ஆபத்தான உயிரினங்கள், மூன்று அழிந்து வரும் இனங்கள், 11 பாதிக்கப்படக்கூடிய இனங்கள் மற்றும் 15 அச்சுறுத்தலுக்கு உட்பட்ட இனங்களாக உள்ளமை குறிப்பிடத்தக்கது.